Ministria do agjenci të stilit gjerman për promovimin e kulturës

27 Dhjetor 2016 - 11:48      

Ministria e Kulturës ka bërë edhe një tjetër hap drejt themelimit të Agjencisë për promovimin e kulturës. Ky institucion këtë muaj ka dorëzuar në Qeveri koncept-dokumentin për Ligjin për themelimin e Agjencisë për promovimin e kulturës. Një komision për hartimin e këtij dokumenti ishte themeluar qysh në janar të këtij viti.

Nëse Qeveria e Kosovës e miraton këtë koncept-dokument, vitin tjetër MKRS-ja do ta hartojë Projektligjin. Por për dikë kjo tingëllon si “përrallë për Krishtlindje” e “nismë për themelimin e një mekanizmi burokratik”. MKRS-ja është e vendosur që ky projekt të shtyhet përpara, shkruan sot “Koha Ditore”.

Ministri i Kulturës, Kujtim Shala, ka thënë se si model i parë është marrë instituti i njohur gjerman “Goethe Institut”.

“Nuk është propagandë, por Agjenci që punon në bazë të programit dhe e çon kulturën tonë jashtë vendit. Do të jetë pak a shumë sikurse Qendra Kinematografike e Kosovës. Do të bëjë financim, bashkëfinancim të projekteve e bashkëpunime”, ka thënë Shala... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.