Politika si art i qeverisjes

25 Dhjetor 2016 - 16:20      

Viteve të fundit, nga autorë të ndryshëm shqiptarë, janë botuar studime dhe botime të veçanta nga fusha të ndryshme si nga aspekti shkencor, kulturor, artistik, publicistik etj., duke pasuruar fondin e botimeve të tilla në lëmenjtë përkatës.

Në këtë gamë të gjerë autorësh bën pjesë edhe Gjon Keka, i cili dallohet në hapësirën etnogjeografike shqiptare, për cilësinë dhe sasinë e botimeve, shkruan “Koha Ditore”.

Një ndër botimet e tij të fundit është edhe libri “Antropologjia politike”, botuar nga “Botart” në Tiranë, në vitin 2015. Nga vetë titulli i këtij libri, por edhe lënda e trajtuar del qartë se kemi të bëjmë me një përpjekje të guximshme të autorit, i cili trajton një qasje të re të mendimit politik ndër shqiptarët.

Një konstatim të tillë e themi me faktin se në këtë periudhë posmoniste, e cila njihet si koha e transicionit, botimet e kësaj natyre kanë qenë të pakta, nga fakti se tek ne ende është i pranishëm mentaliteti i së shkuarës totalitare, për qasjet shoqërore dhe rrjedhat bashkëkohore të shoqërisë pluraliste.

Pikërisht duke marrë parasysh të kaluarën tonë në kuadër të ish-kampit të vendeve socialiste, termi “antropologji politike” është një term pothuaj i panjohur.

Antropologjia apo shkenca mbi njeriun përbën po ashtu edhe fushën e lidhjes së njeriut me shtetin, drejtimin e shtetit nga njeriu dhe pushtetin shtetëror, shoqërinë, shkallët e zhvillimit, kulturën e të tjera... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.