“Carla del Ponte...” sjell paradokset përballë dramës së shqiptarëve

23 Dhjetor 2016 - 11:02      

Kur Carla del Ponte viziton Kosovën, ulet në “Starbucks Cafe” të kryeqytetit për të pirë “Vanilla Chai Latte”, shkruan sot Koha Ditore.

Nuk mundet ta besojë se shija është e njëjtë sikur në Evropë. Kur pi gllënjkën e parë duket sikur perceptimi për këtë vend i ndryshon. Por jo. Vazhdon t’i shajë kosovarët, këtyre trafikantëve të organeve, siç i quan ajo. Udhëton në Prishtinë me qëllim të ndjekjes së kriminelëve të trafikimit të organeve që pretendohet se janë bërë gjatë kohës së luftës.

E Kosova thuhet se ka lindur vetvetiu. Sikur lindja e Krishtit. Një shtet i vogël e i shëndetshëm, katër kilogramësh. Por që në fakt është më e komplikuar se aq. Gjatë luftës kur populli kosovar po vritej nga Serbia, Nëna Terezë flet me Bill Clintonin dhe i kërkon që t’i shpëtojë shqiptarët e saj. Ai e drejton që të flasë me Madeleine Albright. Në këtë mes hyn edhe artistja Marina Abamoviq, vëllai i Del Pontes, Carlos, apo Carlito, siç e quan ajo. Paradokset ndërtohen njëri mbi tjetrin për të nxjerrë në pah një realitet, një marrëdhënie mes Kosovës dhe ndërkombëtarëve, paragjykimet ndaj të tjerëve dhe kryesorja, vëmendja që tërhoqi lajmi për trafikimin e organeve duke lënë në hije vuajtjet e kosovarëve në luftën nga e cila mbetën mijëra të vrarë, të dhunuar e shtëpi të djegura.
(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.