Komuna e Prizrenit aprovoi vendosjen joligjore të reklamave në monument

23 Dhjetor 2016 - 08:59      

Autoritetet e trashëgimisë kulturore që veprojnë në Prizren, të enjten, kanë reaguar ndaj vendosjes së reklamave komerciale në monumentet e mbrojtura me ligj, shkruan sot Koha Ditore.

Në të njëjtën kohë kanë shprehur shqetësimin edhe për moszbatimin e dispozitave të caktuara të Ligjit për Qendrën Historike të Prizrenit në kuadër të zonës së mbrojtur të qytetit. Reagimi i tyre ka ardhur pasi që Komuna e Prizrenit ia kishte dhënë një pëlqim kompanisë lokale “Liri”, për vendosjen e reklamave në Urën e Gurit. Pas reagimeve publike kompania “Liri” ka njoftuar se ka vendosur që t’i tërheqë materialet promovuese nga monumenti.

Qendra Rajonale e Trashëgimisë Kulturore në Prizren nëpërmjet një shkrese të dërguar në adresë të Komunës së Prizrenit ka tërhequr vërejtjen për shkeljet që po bëhen në Qendrën Historike dhe ka kërkuar nga Drejtoria e Inspektorateve që të ndërmarrë veprime në përputhje me legjislacionin.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.