Ekspozita kolektive “Nëna e Dashurisë”, nesër edhe në Muzeun e Kosovës

19 Dhjetor 2016 - 10:25      

Ekspozita kolektive kushtuar Shën Terezës, “Nëna e Dashurisë”, e cila fillimisht u hap në Stubëll të Vitisë, në këtë fshat ku Nëna Terezë vendosi për misionin e shenjët për të ju shërbyer të varfërve, ekspozita vazhdoi rrugëtimin edhe në Galerinë e Arteve në Viti.

Por për ta përmbyllur këtë vit kalendarik, ekspozita do të hapet më datë 20 dhjetor, në ora 18:00 edhe në Muzeun e Kosovës, transmeton KultPlus.

Në ketë ekspozitë po marrin pjesë 20 artistë të ndryshëm nga e gjithë Kosova.

Artistët pjesmarrës janë: Agron Mulliqi, Bind Reka, Esat J. Valla, Eshref Qahili, Festim Matoshi, Florent Pista, Gursel Sylejmani, Pranvera Sylejmani, Hazir Reka, Hyrie Shaqiri, Ismet Jonuzi, Idriz Berisha Xhixhi, Laura Siner Brahimi, Lyra Zajmi, Muhamet Ahmeti Metis, Musa Kalaveshi, Naim Spahiu, Nexhmi Bardhi, Refki Gollopeni, Suad H. Rama, Shkurta Bogujevci dhe Ylber Krasniqi.