Galeritë që përballin kohët e historisë shqiptare

18 Dhjetor 2016 - 11:22      

Shqipëria nuk është vetëm një vend i kontrasteve, historisë së trazuar dhe peizazheve skenike, por gjithashtu një destinacion që mund të befasojë vizitorët me jetën kulturore që është në ngritje dhe skenën vibruese të artit që po dominohet nga të rinjtë dhe artistë pasionantë, duke filluar nga qendra kulturore “Tirana Ekspres” që për qëllim ka krijimin e hapësirës për t’u shprehur duke organizuar ngjarje të ndryshme kulturore, e deri te Galeria e Pogradecit.

Në këtë mes hyn edhe Galeria Kombëtare e Arteve në Tiranë me historinë e saj dhe ekspozitat e përkohshme e të përhershme. “Tirana Art Lab” është një tjetër vend që duhet vizituar, shkruan sot “Koha Ditore”. Kjo hapësirë është një prej vendeve më të rëndësishme për organizimin e ngjarjeve kulturore në Tiranë.

Instituti i Tiranës për Art Bashkëkohor është një tjetër hapësirë që, përveç ekspozitave, organizon edhe një prej ngjarjeve më të rëndësishme të artit në vend. E Pogradeci, si një qytet i vogël dhe i bukur, përveç natyrës, ofron edhe mundësi të tjera për adhuruesit e artit me galeritë e vogla.

Ata që duan të mësojnë më shumë për skenën e artit në Shqipëri patjetër se duhet të vizitojnë këto hapësira që dokumentojnë një të kaluar dhe të tashme përmes artit. Në këtë mes përfshihen piktura, vizatime, artefakte e skulptura... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.