“038” sjell përjetimet nga bunkeri që pasqyron historinë e tmerrit të komunizmit [video]

17 Dhjetor 2016 - 12:24      

Ata që duan ose kanë në plan ta vizitojnë kryeqytetin shqiptar, tash kanë edhe një arsye më shumë për ta vizituar atë.

Historia e Shqipërisë përgjatë viteve 1944 -1991 është rikthyer sërish në qendër të vëmendjes në Tiranë, raporton “038” i KTV-së.

BunkArt 2, që u hap në nëntor të këtij viti, ka sjellë edhe një herë jo vetëm për publikun shqiptar përjetimet e të mbijetuarave në kohën e komunizmit.

Bunkeri që u ndërtua me urdhër të Enver Hoxhës gjatë viteve 1981-1986, ishte kundër luftës nukleare atomike, por që asnjëherë nuk u përdor.

Tash në vitin 2016 vazhdon të jetë si bunker muzeal.

Fotografi, dokumente të policisë e shumë dëshmi të tjera, pasqyrojnë në këtë muze të bëmat e komunizmit.

Në hyrje të tij, hasim në dhomën ku demonstrohet xhandarmëria e parë në kohën e Ahmet Zogut.

Mënyrat e torturës në atë kohë mund t’i hasim në dhomën tjetër.

Llabuti tregon se ka vizitorë nga e gjithë bota dhe se kjo histori ka marrë një famë ndërkombëtare.

Bunkeri muzeal gjithashtu shfaq mënyrat e përgjimit në atë kohë.

Njëra nga 24 dhomat në këtë muze u është kushtuar atyre që humbën jetën si pasojë e kundërshtimit që kishin bërë ndaj regjimit komunist.

Për vizitorët është një brengë sa i përket së kaluarës. Ata përloten teksa ky ambient i kthen në histori.

Gjithsej në Shqipëri ishte planifikuar të ndërtoheshin rreth 221 mijë bunkerë, por nga ta u ndërtuan vetëm 173 mijë.

Bunkerët u ndërtuan në dy forma.

BunkArt 2 u hap dy vjet pas hapjes së BunkArt 1, i cili po ashtu ndodhet në Tiranë, dhe brenda tij janë ekspozuar armatime, uniforma dhe shumë dokumente që shërbenin në kohën e komunizmit.

© KOHA. Të gjitha të drejtat janë të rezervuara.