Biblioteka Universitare braktis objektin ku u vendos më 2014

14 Dhjetor 2016 - 08:58      

Prishtinë, 14 dhjetor - Biblioteka Qendrore Universitare e Kosovës ka braktisur objektin i cili s’ka as tre vjet që është inauguruar. Ai nuk i plotëson kushtet për këtë institucion bibliotekar.

U vendos aty në korrik të 2014-s, kur u jetësua edhe vendimi për ndarjen në dysh të Bibliotekës Kombëtare dhe Universitare të Kosovës, shkruan sot “Koha Ditore”. Stafi prej 18 vetash e fondi librar janë rikthyer në Bibliotekën Kombëtare të Kosovës “Pjetër Bogdani”. Në objektin e asaj Universitare po punohet në sanimin e kulmit.

Në muajin prill të vitit 2013, Ministria e Kulturës, ajo e Arsimit dhe udhëheqësit e Bibliotekës Kombëtare dhe të Universitetit të Prishtinës kishin nënshkruar një memorandum bashkëpunimi nëpërmjet të të cilit zyrtarisht ishte ndarë ajo që quhej Biblioteka Kombëtare dhe Universitare e Kosovës.

Kështu parashihet edhe me Ligjin për bibliotekat. Një vit më vonë Biblioteka Qendrore Universitare kishte stafin dhe njësitë e veta bibliotekare. Por tash e gati tre vjet studentët nuk shkonin për shërbime në BQU, përderisa punonjësit gjithmonë janë ankuar se nuk kanë kushte pune dhe se lagështia depërton deri tek librat... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.