“Mona” i studentes nga Kosova pret biletën edhe për gjashtë festivale ndërkombëtare

10 Dhjetor 2016 - 12:34      

Filmi i metrazhit të shkurtër “Mona” me skenar e regji të Lorena Sopit, prodhim i Fakultetit të Arteve, degës së regjisë së filmit, është përzgjedhur të jetë pjesë e programeve zyrtare të gjashtë festivaleve të reja ndërkombëtare.

Gjatë muajit dhjetor, “Mona” do të jetë pjesë e edicionit të 19 të “Olympia International Film Festival”, i cili po mbahet nga data 9 - 11 dhjetor në Pyrgos të Greqisë, pastaj nga data 16 - 18 dhjetor, do të jetë pjesë e “Lakecity Film Festival”, i cili mbahet në Lagos të Nigerisë, për të vazhduar në “Smita Patil Short Film Festival”, që do të mbahet nga data 10 -13 dhjetor në Pune të Indisë. Kurse nga data 24 - 30 dhjetor, do të jetë pjesë e “The Mediterranean Film Festival”, i cili do të mbahet në Siracusa të Italisë. Nga data 11-13 mars, “Mona” do të jetë gjysmëfinalist në “Hollywood Screenings Film Festival” i cili do të mbahet në Los Angeles të SHBA-ve.

Filmi i shkurtër Mona gjatë muajve të fundit ka qenë pjesë e konkurrencës zyrtare në më shumë se 30 festivale ndërkombëtare dhe ka fituar 6 çmime të ndryshme.

© KOHA. Të gjitha të drejtat janë të rezervuara.