Prejardhja e shqiptarëve midis glorifikimit dhe injorimit

10 Dhjetor 2016 - 11:37      

Nga krahasimi i paraqitjes së prejardhjes së shqiptarëve në tekstet mësimore të historisë të Kosovës, Shqipërisë, Serbisë, Malit të Zi dhe Maqedonisë, përvijohen dy grupe: në njërin grup janë tekstet e Kosovës e të Shqipërisë, kurse në tjetrin ato të Serbisë, Malit të Zi dhe Maqedonisë.

Të përbashkëtat e teksteve të Kosovës dhe të Shqipërisë janë, në radhë të parë, teza për vazhdimësinë iliro-shqiptare dhe pastaj shumësia e njësive mësimore për ilirët. Vend qendror në to zënë luftërat, shkruan Shkëlzen Gashi, në numrin e sotëm të Kohës Ditore.

Ilirët glorifikohen, u thuren lavde entuziaste dhe jepen vlerësime pa mbulesë, sidomos ndër tekstet e Kosovës. Nuk paraqiten konfliktet mes fiseve ilire.

Shkak i luftërave janë gjithherë prirjet e vazhdueshme hegjemoniste të armiqve romakë, grekë e maqedonas për t’i futur nën kontroll territoret ilire, përkatësisht pakënaqësia e këtyre me politikën e pavarur të ilirëve, e cila ua prekte interesat, pa dhënë shpjegime se cila ishte kjo politikë dhe cilat interesa prekeshin.

Ndërsa shkak i disfatave të ilirëve janë karakteri lokal i luftërave të tyre mbrojtëse (megjithëse nuk ofrohet sqarim se pse ishin të tilla) ose intrigat që përdornin romakët për përçarjen e tyre. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.