Vdes Peter Vaughan, mësuesi i verbër i serisë televizive “Games of Thrones”

7 Dhjetor 2016 - 09:48      

Aktori britanik Peter Vaughan, i njohur më së shumti për rolet e tij në “Game of Thrones” dhe “Porridge”, ka ndërruar jetë në moshën 93-vjeçare.

Një karrierë e gjatë mbi supe, ndër të cilat rolin që do ta kujtojnë të gjithë i përket serisë televizive “Games of Trones”, në të cilën interpreton personazhin e Aemon Targaryen, mësuesi i verbër, duke prekur miliona fansa në të gjithë botën, transmeton Tgcom24.

Ai ka luajtur rolin e Maester Aemon në seritë e “HBO”-së dhe të Grouty në “sitcom”-in televiziv britanik. Mes roleve të tjera të tij përfshihen edhe shfaqjet televizive, “Citizen Smith”, “Chancer” dhe “Our Friends in the North”.

Agjenti i tij Sally Long-Innes konfirmoi ndarjen nga jeta të Peter Vaughan. “Vdiq rreth orës 10:30 të mëngjesit të sotëm , i rrethuar nga famlija e tij”, tha agjenti i tij Sally Long-Innes.

Vaughan nisi të aktronte në vitet ’50, ndërsa u bë një figurë e shquar për shkak se luajti një sërë rolesh mbështetëse në skenë, televizion, radio apo edhe film. Ai është specializuar në rolet karakter dhe me fuqi të shumëfishta, si oficer policie, agjent sekret apo plakut autoritar.

Vaughan e përshkruante vetveten si një aktor karakteresh dhe thoshte se nuk e shihte të mundur të luante në role romantike. Vaughan, që vuante nga një defekt në shikim, interpretoi Aemon për pesë vjet në serinë fantastike “Games of Thrones”, i bazuar në romanin George R.R. Martin.