Mbi 4 mijë euro në muaj për anëtarët e Këshillit të Trashëgimisë

2 Dhjetor 2016 - 10:00      

Prishtinë, 2 dhjetor - Pagat e anëtarëve të Këshillit të Kosovës për Trashëgimi Kulturore do t’i kushtojnë buxhetit të Kosovës 4 mijë e 600 euro në muaj. Kësisoj ka vendosur të enjten Kuvendi i Kosovës. Kryetari i KKTK-së do të marrë pagë prej 800 eurosh, dy nënkryetarët nga 700 euro dhe katër anëtarët nga 600 euro, shkruan sot Koha Ditore.

Shuma e pagesës është caktuar kur deputetët të enjten kanë votuar propozim-vendimin e Komisionit për Buxhet dhe Financa për caktimin e kompensimeve për kryetarin, nënkryetarët dhe anëtarët e KKTK-së.
Anëtarët e KKTK-së janë: Shafi Gashi, njëherësh kryetar i këtij institucioni, nënkryetarë janë Filjko Jovanoviq dhe Arjeta Miftari, e anëtarë Bego Kululleri, Visar Haxhibeqiri, Florim Isufi e Doruntinë Matoshi. Shtatëshja është zgjedhur në korrik të vitit të kaluar nga Kuvendi i Kosovës (më shumë sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.