QKK mbështet katër filma artistikë të metrazhit të gjatë

2 Dhjetor 2016 - 09:01      

Tiranë, 2 dhjetor - Qendra Kombëtare e Kinematografisë në Tiranë ka marrë rekomandim nga Këshilli i Miratimit të Projekteve që t’i mbështesë katër filma artistikë të metrazhit të gjatë, dhe tre të tjerë për postproduksion, shkruan KultPlus.

Sipas një njoftimi të QKK-së thuhet se filmat artistikë që do të mbështeten janë: “Liqeni im”, skenari dhe regjia Gjergj Xhuvani, “Portreti i pambaruar i Klara Belinit”, skenari Ruzhdi Pulaha, regjia Namik Ajazii, “Bolero në vilën e pleqve”, skenari Linda Fejzaj, Spartak Pecani, regjia Spartak Pecani, dhe“Vera pa kthim”, skenari dhe regjia Besnik Bisha.

Kurse filmat që do të mbështeten për postproduksion janë: “Vëthi i munguar”, skenari dhe regjia Bujar Alimani, “Tuneli”, skenari Pëllumb Kulla, Ilir Harxhi, regjia Ilir Harxhi dhe “Ujë për trëndafilat”, skenari dhe regjia Luli Bitri.