Revista zvicerane “Luxe” shpall arkitektin Bujar Nrecaj “Burrë i Vitit”

29 Nëntor 2016 - 09:52      

Revista zvicerane “Luxe” ka shpallur njerëzit më të sukseshëm të vitit, në mesin e të cilëve një vlerësim ka shkuar edhe për arkitektin shqiptar Bujar Nrecaj, i cili është shpallur “Burri i Vitit”, për kategorinë e arkitekturës dhe dizajnit.

Në këtë vlerësim janë nderuar edhe tre meshkuj të tjerë, të cilët janë mjaft me ndikim në Zvicër, kurse vlerësimi për Nrecajn, sipas përshkrimit të ndarjes së kësaj mirënjohjeje, merr për bazë sidomos nominimin e Nrecajt për çmimin prestigjioz të arkitekturës “Aga Khan Award for Architecture 2016”, për projektin e tij “Bunateka” , shkruan KultPlus.

Për këtë vlerësim, nëpërmjet rrjeteve sociale ka njoftuar edhe vetë Nrecaj.