“Absolutely on Music” me idetë e maestros

27 Nëntor 2016 - 18:50      

“Nëse ka diçka të mirë prej një sëmundje të rëndë, është fakti që të jep shumë më tepër kohë, saqë s’di çfarë të bësh me të”, shkruan dirigjenti japonez Seiji Ozawa në prapathënien e librit me titull të çuditshëm “Absolutely on Music” (Absolutisht në muzikë).

Ai u referohet sëmundjeve fizike që e kanë dërrmuar atë qysh prej vitit 2010, kur i ishte nënshtruar një operacioni për kancerin në ezofag, shkruan “New York Times”, transmeton “Koha Ditore”. Ai kishte vazhduar të luftojë me trimëri, por paraqitjet e tij në podium dhe udhëtimet jashtë Japonisë kanë qenë tepër të kufizuara.

Ozawa, aktualisht 81 vjeç, një “makinë” e veprimtarisë muzikore deri në moshën 75-vjeçare, ka qenë i detyruar të pushojë dhe të shërohet për periudha të gjata. Duke e parë këtë gjë, miku i Ozawas, Haruki Murakami, novelisti dhe favoriti i popullarizuar për çmimin “Nobel” në letërsi, ka hapur nocionin e angazhimit të tij në një seri bisedash për muzikë, me idenë që ato të publikohen.

“Atij menjëherë i pëlqeu ideja”, shkruan Murakami në parathënien e librit. Edhe mua më pëlqeu ideja, duke parë përpjekjet e Ozawas për t’u rikthyer me plot shpirt dhe humor në “Saito Kinen Festival” në Matsumoto të Japonisë, në gushtin e vitit 2010 dhe në festivalin “Carnegie Hall’s Festival Japan NYC” në Manhattan, në dhjetorin e atij viti.

Për fat të keq, këto kualitete janë pasqyruar në libër jo mjaftueshëm. Murakami e quan veten “një laik të plotë që shqetësohet më së shumti për gjëra muzikore”, por edhe “një adhurues i zjarrtë i jazzit” ... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.