Përzgjedhja e alfabetit latin, vizion frymëzues i intelektualëve shqiptarë

22 Nëntor 2016 - 15:42      

Presidenti i Kosovës, Hashim Thaçi, në Ditën e Alfabetit ka vlerësuar se përzgjedhja e tij 108 vjet më parë flet për përcaktimin e tërë kombit tonë drejt kulturës dhe botës evropiane.

“Vizioni i intelektualëve shqiptarët atëbotë na frymëzon edhe sot”, shkruante presidenti në postimin e tij përmes Facebook në Ditën e Alfabetit.

Në vazhdim postimi i plotë.
Përzgjedhja e një alfabeti latin 108 vjet më parë nga dijetarë të shquar shqiptarë, ishte pikë kthese në historinë tonë.
Për gjuhën shqipe të përdorej vetëm një alfabet të cilin mund ta mësonin dhe ta lexonin të gjithë.

Në fillim të shekullit XX, alfabeti nuk ishte vetëm mjet për shkrim e lexim, por edhe përcaktonte orientim të vlerave.
Përcaktimi për alfabetin që kemi sot ishte përcaktim i tërë kombit drejt kulturës dhe botës evropiane ku shqiptarët kanë pasur gjithmonë shtëpinë.
Vizioni i intelektualëve shqiptarët atëbotë na frymëzon edhe sot.

© KOHA. Të gjitha të drejtat janë të rezervuara.