Mentor Zymberaj flet për triumfin në festivalin “Imagio Mundi” në Rumani [video]

21 Nëntor 2016 - 19:57      

Aktori dhe regjisori kosovar Mentor Zymberaj së fundi u kthye triumfues nga festivali i monodramës “Imagio Mundi” që u mbajt në Rumani.

Shfaqja e tij “Aktori në kuti” u shpall më e mira e edicionit të sivjetmë të këtij festivali.

Ai u shpreh tejet i kënaqur që kjo shfaqje mori kritika të mira në këtë festival, pjesë e së cilit ishin shfaqje nga vende të ndryshme të botës.

“Aktori në kuti” është një shfaqje me një rrugëtim të gjatë, e shpërblyer me rreth 20 çmime, u shpreh Zymberaj i cili qe i ftuar në studion e emisionit “Express”.

Shfaqja është shkruar dhe luajtur nga vet aktori, i cili po ashtu ka bërë regjinë e saj.

Për më shumë për këtë prezantim të shfaqjes, pritjen që i është bërë asaj në këtë shtet që akoma nuk ka njohur pavarësinë e Kosovës, por edhe planet në të ardhmen ndiqeni intervistën e aktorit dhe regjisorit Mentor Zymberaj, i cili njihet si një aktor i monodramave.

© KOHA. Të gjitha të drejtat janë të rezervuara.