Drama familjare afrikane triumfon në “Swikos”

21 Nëntor 2016 - 11:00      

“Maman(s)” – filmi që flet për një vajzë 8-vjeçare me origjinë nga Senegali, e cila jeton në periferi të Parisit – i realizuar nën regji të Maimouna Doucoure, ka triumfuar në edicionin e dhjetë të festivalit kosovaro-zviceran.

Filmi ka marrë çmimin kryesor në “Swikos” nga juria në përbërje të producentit nga Kosova, Eshref Durmishi, dhe kineastëve Michael Flume e Tom Gerber, shkruan Koha Ditore. Aktorja kosovare Majlinda Kosumoviq u shpall aktorja më e mirë për rolin në filmin “1 Euro” me regji të Durim Ilazit, në festivalin që e përmbylli edicionin jubilar të shtunën mbrëma në Bazel të Zvicrës.

Çmimi për regjinë më të mirë i është ndarë filmit gjerman “Samira” me regji të Charlotte A.Rofles, që po ashtu mori edhe çmimin e publikut. Për kamerën më të mirë është shpërblyer filmi hungarez “Boglarka” me regji të Istvan Balaes, derisa për montazhin më të mirë “Lesapan” me regji të Pavel Soukup.

Në edicionin e sivjetmë të “Swikos” janë shfaqur 14 filma nga Kosova, Zvicra, Portugalia, Franca, Kroacia, Hungaria, Gjermania, Shqipëria, Polonia, Bosnja, Spanja, Çekia, Anglia dhe Italia... (Më gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.