Demonstratat e 1968-s u ideuan në “Universitet”

19 Nëntor 2016 - 09:36      

Dyzet vjet përbëjnë një distancë historike të mjaftueshme mbase për një vlerësim real e të drejtë të ngjarjeve.

Kontekstualizimi në rrafshin vertikal e horizontal i tyre është gjithashtu një premisë tjetër e domosdoshme për një cilësim më të drejtpeshuar e më objektiv, shkruan Murat Blaku në numrin e sotëm të Kohës Ditore. Dalja jashtë këtyre suazave rrënon themelet e analizës dhe, për pasojë, sinteza rezulton e mangët.

Për demonstratat e vitit 1968 është shkruar mjaft, janë botuar libra, fejtone, shkrime të rastit në përvjetorë. Autorët e tyre janë edhe bashkorganizues e pjesëmarrës të drejtpërdrejtë në ngjarje.

Ky fakt vetvetiu ngërthen në vete dy elemente si imanencë e pritshme dhe e natyrshme për këta autorë: prezantimin autentik dhe përgjegjësinë morale për vlerësimet.

Sado që këto dimensione nuk u mungojnë, ka në këto botime edhe segmente të interpretimit të qortueshëm, protagonizime jokritike të individëve, apo ndonjëherë edhe lënie nën hije të rolit shumë domethënës të individëve të tjerë. Mënjanimi i tyre ndërkaq u bën nder vetë autorëve. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.