“Arti i Kuranit” me porosi të shumëfishtë

18 Nëntor 2016 - 11:00      

“The Art of the Qur’an: Treasures From the Museum of Turkish and Islamic Arts”, (Arti i Kuranit: Thesare nga Muzeu i Arteve Turke dhe Islame) në galerinë “Arthur M. Sackler Gallery” është ekspozimi i parë kaq i madh në ShBA i dorëshkrimeve kopje të librit të shenjtë të myslimanëve, shkruan sot Koha Ditore.

Është një ekspozitë e madhështore, diçka e paparë më herët me më shumë se 60 libra të lustruara dhe të praruara, disa të vegjël sa telefonat e mençur e të tjerë në madhësi të një tepihu. Ose thënë më mirë, të një qilimi fluturues. Ky është art i së bukurës që e dërgon vizitorin drejt e në parajsë. Dhe përkujton se sa pak dimë – por duke e pasur një mundësi të tillë, gjithsecili dëshiron të mësojë – për një fe dhe kulturë të jetuar dhe ruajtur nga çereku i popullsisë në botë.

Dorëshkrimet, shumica prej tyre të huazuara nga një muze në Stamboll, datojnë prej shekullit XVII dhe vijnë nga vende të ndryshme: Afganistani, Egjipti, Iraku, Irani, Siria dhe Turqia. Disa vëllime janë të paprekura; të tjera kanë mbijetuar si faqe të vetme dhe ajo që e bën kaq madhështore është karizma shpirtërore e Kuranit, ku secila pjesë është e vlefshme të ruhet. Kuratorët e ekspozitës Massumeh Farhad dhe Simon Rettig, i kanë dhënë këtij materiali gjithë glamurin që e meriton, me instalim të ndriçimit të lehtë.

Fjala Kuran, është e nxjerrë nga folja arabe për kujtesën apo leximin me zë. Libri e ka origjinën nga zëri i dëgjuar i njeriut të quajtur Muhammad in Abdullah, afër Mekës, qytet në atë që sot është Arabia Saudite.
(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.