Anëtarët e Këshillit për Trashëgimi kërkojnë paga mujore mbi 1 mijë euro

10 Nëntor 2016 - 11:01      

Prishtinë, 10 nëntor - Anëtarët e Këshillit të Kosovës për Trashëgimi Kulturore kanë kërkuar nga Kuvendi i Kosovës që t’u sigurojë të ardhura mujore mbi një mijë euro për secilin prej tyre.

Me një kërkesë të tillë i janë adresuar Komisionit të Kuvendit për Buxhet dhe Financa. Kërkesa e tyre është shqyrtuar në mbledhjen e mbajtur të mërkurën.

Kryetari i Komisionit, deputeti Naser Osmani, ka thënë se Këshilli i Kosovës për Trashëgimi Kulturore ka kërkuar rritje pagash. Sipas tij, duhet të caktohen kompensime dhe jo paga.

“Neni i propozuar është që për kryetarin kompensimi mujor të jetë 800 euro, për nënkryetarin 700 dhe për anëtarët të jetë 600 euro”, ka thënë Osmani. Sipas tij, anëtarët e KKTK-së kanë kërkuar pagë mujore prej 1 mijë e 400 eurosh për kryetarin, për nënkryetarin 1 mijë 200 dhe për anëtarët nga 1 mijë e 100
Kryesisë së Kuvendit i është propozuar që kryetari i KKTK-së të ketë pagë 800 euro në muaj, nënkryetari 700, përderisa anëtarët e tjerë nga 600. Anëtarët e KKTK-së janë: Shafi Gashi, njëherësh kryetar i këtij institucioni, Filjko Jovanoviq, Arjeta Miftari, Bego Kululleri, Visar Haxhibeqiri, Florim Isufi e Dorintinë Matoshin (gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.