Koha në portretet e piktores së parë të Kosovës

6 Nëntor 2016 - 09:33      

Ngjyrat në tavolinën e punës së Alije Vokshit nuk janë fort të freskëta. Janë tregues se piktorja nuk e prek fort shpesh brushën. Por Vokshit (71) i ndërron çehrja posa hedh hapin e parë në atelienë e saj jo larg qendrës së Prishtinës.

Veprat që ka aty e bëjnë të kthehet prapa në kohë, shkruan sot “Koha Ditore”. Ia kujtojnë studimet, periudhat që ka paraqitur në punime e vitet kur ka qenë profesoreshë në Fakultetin e Arteve në Universitetin e Prishtinës.

“Shpallja e Pavarësisë së Kosovës i ndanë veprat e mia. Para Pavarësisë kam punuar me ngjyra më të errëta. E pas saj kam punuar akte me ngjyra më të çelura. Kanë më shumë pozitivitet”, thotë Vokshi, e përsërit disa herë se është piktorja e parë në Kosovë.

Ashtu ka hyrë në histori: e para shqiptare nga Kosova që diplomoi për pikturë në vitin 1969 në Akademinë e Arteve në Universitetin e Beogradit... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.