“Kosova nuk ka sallë për festivale”

3 Nëntor 2016 - 20:58      

Tekstshkruesi e gazetari, Hivzi Krasniqi në Rubikon të KTV-së ku u debatua mbi këngën e festivalet theksoi se problemi kryesor me të cilin përballet skena muzikore në vend dhe organizimi i ngjarjeve të tilla është mungesa e një salle.

Ai ka përmendur kohën kur festivali është organizuar në një palestër sporti e cila nuk ka plotësuar as nevojën kryesore e që është dëgjimi kualitativ i zërit, transmeton Koha.net.

“Është banale që në një palestër sporti të mbahet një festival, pikë së pari nuk të dëgjohet zëri”, ka thënë Krasniqi.

Krasniqi ka thënë se sot mungon interesimi, sidomos i Ministrisë së Kulturës.

“Sot i kemi kushtet më të dinjitetshme mirëpo mungon interesimi. Ku është Ministria e Kulturës, pse nuk e riaktivizojnë një festival siç ishte Akordet e Kosovë që me të vërtet kishte të gjitha ato që i duhen një festivali”, ka thënë ai.

“Nuk është e çuditshme që krijuesit, grupet e solistët ia mësyjnë Shqipërisë”, përfundoi Krasniqi.

© KOHA. Të gjitha të drejtat janë të rezervuara.