Shtatë ditët e rikthimit të publikut në teatër

29 Tetor 2016 - 11:28      

Numrin e shikuesve që e ka pasur gjatë gjithë vitit, teatri “Adriana Abdullahu” në Ferizaj, e ka mbërritur brenda një jave me edicionin e 46-të të Festivalit të Teatrove, shkruan Koha Ditore.

Për shtatë ditë salla me 270 ulëse nuk ka pasur vende të lira për numrin e madh të të interesuarve për shfaqjet e festivalit që u përmbyll të enjten mbrëma.

“Natën e mirë, nënë”, “Piramida”, “Një shfaqje teatri me katër aktorë...”, “Për të vërtetën”, “Kërkohet kloun plak”, “Kandili i argjandit” dhe “Vdekja aksidentale e një anarkisti”, kanë mbledhur 2.000 shikues brenda një jave. Mesatarisht në skenën e këtij teatri - bazuar në raportin “Statistikat e kulturës 2015” të Agjencisë së Statistikave të Kosovës - për një javë dhënë 27 shfaqje, që janë parë nga 2.500 veta.

Për organizatorët e festivalit dhe drejtuesit e institucionit teatror në edicionin e sivjetmë numri i shikuesve ka mundur të jetë edhe më i madh nëse Ferizaj do të kishte një teatër më të madh sesa “Adriana Abdullahu”. (Më gjerësisht mund të lexoni sot në Koha Ditore.
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.