Një Sami Frashër tjetër

29 Tetor 2016 - 12:22      

Shemsedin Samiu apo Sami Frashëri, siç rëndom, njihet ndër shqiptarë, ishte figura qendrore e Rilindjes Kombëtare dhe nga shumëkush merret edhe si babai dhe ideologu i nacionalizmit shqiptar, shkruan Shasivar Kabashi në Shtojcën për Kulturë të Kohës Ditore.

Duke jetuar dhe vepruar ne kryeqendrën e Perandorisë Osmane, me veprën dhe bëmat e tij, dimensioni i Samiut tejkalon atë shqiptar, duke marrë kështu përmasa perandorake. Si një poliglot i vërtet që ishte botoi e përktheu shumë vepra në gjuhë të ndryshme, duke lënë kështu gjurmë të pashlyera në historinë e dy popujve, shqiptar dhe atij turk.

Me përmasat e një alimi, Samiu do të zinte një vend qendror në mesin e modernistëve myslimanë të shekullit XIX. Edhe pse një figurë shumëdimensionale, për lexuesin shqiptar Shemsedin Samiu ende mbetet i paeksploruar në tërësinë e tij, duke u njohur vetëm në konturat e ideologjisë se nacionalizmit.

Përmes arkivave dhe bibliotekave të Stambollit bëhet i mundur një udhëtim në kohë, në Stambollin e asaj kohe, në gjurmët e Samiut, në përditshmërinë dhe botën e tij të brendshme... (Më gjerësisht mund të lexoni sot në Koha Ditore).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.