Monumentet antike në “Via Egnatia”, një destinacion i pëlqyer turistik

26 Tetor 2016 - 10:27      

Tiranë, 26 tetor – Përgjatë rrugës Egnatia nëpër Shqipëri ndodhen disa vepra monumentale arkitekturore por edhe kulti besimi, që bëjnë kurioz turistët dhe vizitorët e kësaj rruge.

Kjo është një arsye më shumë që në këtë vijë rrugore të lashtë është shtuar numri i vizitorëve dhe turistëve të huaj që kanë interes për historinë dhe kulturën antike të zhvilluar në këtë vend.

Stacionet e pushimit dhe të furnizimit me ujë dhe ushqime, i gjen pothuajse në të gjithë zgjatimin e kësaj rruge.

Ne, sot disa prej tyre i quajmë hamame ose stacione çlodhjeje dhe relaksimi që ndjekin rrugën Egnatia.

Një e tillë gjendet dhe në fshatin Bradashesh të Elbasanit.

Stacioni “Ad kuintum” ose “Stacioni i pestë” njihet si një prej stacioneve të rrugës Egnatia.egnatia5

Kjo banjë, e njohur ndryshe si hamam, është ndërtuar përgjatë rrugës për t’i shërbyer qytetarëve edhe si stacion pushimi.

Ky hamam është ndërtuar në fundin e shekullit II të erës sonë.

Në këtë banjë kishte personel që shërbente për masazh, për kurimin e të pafuqishmëve, për mirëmbajtjen, për zjarrin e pastërtinë.

Gjatë gjysmës së dytë të shekullit të XX – të gjatë kohës së regjimit komunist këto banja u mbyllën, dhe në vitet e fundit të shekullit të XX – të, ato që i kanë qëndruar kohës ruhen si objekte historike e monumente kulture.

egnatia1Rreth këtyre banjave pikërisht në fshatin Bradashesh janë ndërtuar shumë shtëpi, duke krijuar lagjen që mori emrin “Stacioni i Rrugës Egnatia”.

Tashmë këto banja thuajse kanë, dalë jashtë funksionimit dhe kanë mbetur veç muret dhe gurët e fortë që i rrethojnë.

Janë vepra monumentale që tregojnë historinë tonë dhe për këtë duhen ruajtur dhe mirëmbajtur. Ato tashmë janë kthyer në destinacione turistike.