Roli i Josip Gjergjës në marrëdhëniet shqiptaro-jugosllave

15 Tetor 2016 - 10:21      

Përfundimi i Luftës së Dytë Botërore në kontinentin evropian solli ndarjen e parë ideologjike, e cila ishte pjesërisht si rezultat i fitores së

Ushtrisë së Kuqe të BRSS-së dhe pjesërisht të ngadhënjimit të forcave partizane komuniste në Jugosllavi dhe Shqipëri.

Ndonëse ideologjia majtiste ishte rrymë politike dominonte e rinisë përparimtare kudo në Evropë, rrjedhimisht edhe në Ballkan, ajo, që në fillim u stërkeq nga tendencat gllabëruese të Jugosllavisë, shkruan sot Memli Krasniqi në Koha Ditore.

Shembulli më i mirë i kësaj fryme të vjetër nacionaliste serbe, por tashmë të veshur me petkun e ideologjisë komuniste, ishte Marrëveshja mjeshtërisht e imponuar shqiptaro-jugosllave e vitit 1946.

Edhe vetë Enver Hoxha në librin e tij, “Titisët”, e pranon se për një
marrëveshje të tillë ishte edhe pala shqiptare, me besim se ajo po bëhej sipas parimeve komuniste, për të mirën e popujve dhe demokracive majtiste.

Ndërsa, mjetet e informimit publik në Jugosllavi, që në fillim të artikujve të tyre theksonin prapavijën e vërtetë të kësaj marrëveshjeje, e cila, sipas tyre, duhej të siguronte prapavijën e Jugosllavisë nga ndonjë sulm nga territori i Shqipërisë. Pra mendohej për Shqipërinë e kohës së okupimit italian, nga ku u sulmuan Greqia dhe Jugosllavia. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.