"Didarja - rrëfimi i një prizrenaseje" përballë ëndrrës për Jugosllavinë

21 Tetor 2016 - 10:03      

Bazat e zhvillimit të ish-Jugosllavisë socialiste dhe transformimi që po përjetonte shoqëria gjatë ekzistencës së kësaj federate, si dhe fundi i saj janë pasqyruar përmes historisë gojore të treguar nga prizrenasja, Didare Dukagjini, në librin "Didarja - rrëfimi i një prizrenaseje", të autores, Miroslava Malesheviq, e cila e konsideron atë si përfaqësuese tipike të modernizmit jugosllav, shkruan sot Koha Ditore.

Përkthimi në gjuhën shqipe i këtij titulli, që sjell rrëfimin për epokën pesëdekadëshe të socializmit dhe rrënimin e këtij sistemi, është realizuar të enjten mbrëma, në vendlindjen e protagonistes kryesore të veprës letrare. Organizuar nga qendra “Multimedia” dhe fondacioni “Lumëbardhi”, në këtë ngjarje të mbajtur në hollin e kinemasë "Lumëbardhi" krahas disa prizrenaseve në moshë, audienca është përbërë kryesisht nga të rinjtë, që kanë dëgjuar me vëmendje prezantimin dhe diskutimin e autores Malesheviq për veprën e saj, përkatësisht për tregimin e Didares, gjë që është lehtësuar nga moderatorja Elife Krasniqi.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.