“Komedia Fest” 5, nga 31 tetor – 6 nëntor në Gjakovë

20 Tetor 2016 - 20:38      

Edicioni i pestë i Komedia Fest që do të mbahet nga 31 tetor deri më 6 nëntor 2016, vjen me shumë risi.

Shtrihet në nivel ndërkombëtar, përveç shfaqjeve komedi nga mbarë trojet shqiptare, do të ketë edhe trupa jo-shqipfolëse.

Komedia Fest edhe në edicionin e pestë jubilar, do të përmbajë edhe disa aktivitete tjera shtesë që kanë për synim promovimin e kulturës dhe zgjerimin e njohurive për fushën e artit, gjithmonë duke mbajtur frymën e zhanrit të komedisë. Këto aktivitete shtesë përfshijnë zhanrin e stand-up komedisë, po ashtu edhe debate e ligjërata ditore me aktorë që kanë dhënë kontribut të çmuar në art, si dhe trendet e fundit globale, transmeton koha.net.

Trupat teatrore pjesëmarrëse tashmë të konfirmuara vijnë nga: Gjakova, Prishtina, Mitrovica, Shkodra, Tetova dhe Finlanda.

Veçantia e këtij viti është performanca e artistit të njohur Adam Darius, i cili rikthehet në Kosovë për herë të tretë, në kuadër të turneut botëror lamtumirës që po e zhvillon gjatë tërë vitit, në të gjitha kontinentet.

© KOHA. Të gjitha të drejtat janë të rezervuara.