Kostumi prizrenas i Shën Terezës, për herë të parë në publik

20 Tetor 2016 - 12:07      

Ekspozita “Trashëgimi kulturore nga vendi i Nënë Terezës” ka nxjerrë nga sirtarët kostumin popullor, që e ka mbajtur në rini, Shën Tereza, shkruan sot Koha Ditore.

Ka dalë për herë të parë në publik, të mërkurën, në Muzeun Historik Kombëtar. Bëhet fjalë për një kostum me motive karakteristike të qytetit të Prizrenit, vendi i origjinës se nënës së Nënë Terezës. Përbëhet nga këmisha, copë e mëndafshtë e endur nga gratë e Prizrenit, jeleku i qëndisur nga mjeshtër qëndistarë të këtij qyteti, shalli dhe dimitë.

Kostumi i cili ruhet në Fondet Etnografike të Institutit të Antropologjisë Kulturore dhe Studimit të Artit në Shqipëri, ka një histori të gjatë të cilën e ka zbardhur kuratorja e kësaj ekspozite, Afërdita Onuzi. Këtë kostum sipas Onuzit, Nënë Tereza e ka mbajtur në moshën 16-17-vjeçare. Ndërsa Drane Bojaxhiu, motra e Nënë Terezës, e shiti atë për arsye ekonomike. Vetëm vitet e fundit u zbulua se kostumin e kishte mbajtur humanistja e madhe shqiptare.
(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.