Kosova në Panairin e Frankfurtit që thërret për lirinë e shprehjes

20 Tetor 2016 - 09:02      

Në një formë të pazakontë është hapur edicioni i sivjetmë i Panairit të Librit në Frankfurt të Gjermanisë. Të pranishmëve, që janë mbledhur të martën mbrëma, për të marrë pjesë në hapjen e aktivitetit më të madh të librit në botë, u është lexuar një letër nga burgu, shkruan sot Koha Ditore.

Heinrich Riethmüller, drejtor i Asociacionit të botuesve dhe shitësve të librave, ka lexuar letrën e shkrimtares, gazetares e aktivistes së të drejtave të njeriut, turkes Asli Erdogan. Edhe pse ndan të njëjtin mbiemër me presidentin e Turqisë, ata u takojnë botëve të ndryshme, shkruan sot Koha Ditore.

Botues nga mbi 100 vende të botës janë bërë bashkë në këtë Panair. E në mesin e tyre është edhe Kosova. Shteti më i ri në Evropë po e vazhdon traditën e pjesëmarrjes, që ka nisur qysh më 1999. Është e 18-ta herë që titujt e librave nga botuesit kosovarë prezantohen nën ombrellën e Shoqatës së Botuesve të Kosovës. Zyrtarisht Panairi është hapur për lexues të mërkurën, përderisa pritet që gjatë pesë ditëve të ketë afro 270 mijë vizitorë.

Shkrimtarja Erdogan sherri i pikëpamjeve të saj nuk është e lirë. Më 2008 ajo ishte në Panairin e Librit në Frankfurt, kur Turqia ishte mysafire e kësaj ngjarjeje. Edhe në atë që cilësohet si hapje zyrtare, ajo ka komunikuar me librarët në Panair, por kësaj radhe si një zë që flet nga burgu.
(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.