“Pa dritë” për qasje të barabartë në pasuritë e trashëgimisë kulturore

19 Tetor 2016 - 11:15      

Eksponate që datojnë prej shekullit VII para erës sonë e deri te mesjeta, erdhën të riprodhuara në një ekspozitë. Janë kopje artefaktesh të Muzeut Arkeologjik të Durrësit.

Përmes vazove, skulpturave që u dhuroheshin perëndive, stelave të varrit, monedhave të Durrësit, heshtës e sëpatës të shkrira në bronz, si dhe elemente të arkitekturës, u shpalos një copë historie e trojeve ilire, shkruan sot “Koha Ditore”.

Njëzet e shtatë sosh kanë zënë vend në Muzeun Kombëtar të Kosovës. Edhe pse mund të tingëllojë si një ekspozitë e zakonshme, në fakt ajo pati peshë shumë më të madhe sesa kaq.

Përveç muzikës në sfond dhe pëshpërimave të njerëzve brenda, këto eksponate vështirë se mund të shiheshin. Dhoma e errët, e konceptuar si e tillë me qëllim, u bë ambienti ku publiku mund të përjetonte ekspozitën përmes prekjes.

Personat me shikim të dëmtuar teksa lexonin shënimet për artefakte të shkruara në alfabetin e Brajit, u bënë ciceronë të atyre që nuk arrinin ta kuptonin ekspozitën.

Për ta përjetuar si të tillë, kusht kryesor ka qenë që pjesëtarët e këtij komuniteti t’u shpjegojnë të tjerëve bazuar në atë që kanë lexuar... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.