Laço, zëri i prozës moderne e mbrojtësi i demokracisë shqiptare

17 Tetor 2016 - 09:30      

Familjarë, miq e të afërm dhe personalitete të jetës politike e publike në Shqipëri kanë bërë homazhe në ambientet e Ministrisë së Kulturës, në nderim të shkrimtarit diplomatit e politikanit të njohur Teodor Laço, i cili ndërroi jetë të shtunën në moshën 80-vjeçare.

Dyert e Ministrisë së Kulturës u hapën të dielën për të përcjellë me respekt, një nga drejtuesit më të shquar të këtij institucioni, ndërsa Laço është nderuar nga një sërë personalitetesh nga bota e artit, kulturës, por edhe të politikës, shkruan sot “Koha Ditore”.

Në homazhet për ndarjen nga jeta të Teodor Laços, personalitete të Shqipërisë vlerësuan figurën e shkrimtarit dhe të diplomatit.

Ceremonia shtetërore e përcjelljes për lamtumirën e fundit të Laços u organizua nga Kuvendi i Shqipërisë, institucion në të cilin politikani Laço shërbeu për tri legjislatura. I pranishëm në homazhe ishte kryeparlamentari Ilir Meta, ish-kryeministri Sali Berisha, si dhe deputetë të Kuvendit të Shqipërisë.

(Më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.