Shembulli unik i Hamamit me Kullë Sahati

16 Tetor 2016 - 13:03      

Me të është matur koha në periudhën ku shumica dërrmuese nuk kanë pasur orë xhepi a muri. U ka shërbyer në mënyrë të veçantë tregtarëve, për të ditur se kur duhen hapur e mbyllur dyqanet.

Kulla e Sahatit në qytetin e lashtë të Prizrenit qe vendosur në hapësirat e Hamamit, që besohet se u ndërtua me urdhër të Shemsudin Ahmed Beut, shumë kohë më parë, në vitin 1498, shkruan sot “Koha Ditore”. Nuk dihet saktë se kur e humbi funksionin e banjës publike.

Sot nuk mat më as kohën. I ruan veç kujtimet. Tash është shndërruar në Muze Arkeologjik dhe është strehë e artefakteve që nga parahistoria e antika. Vetë paraqet vlerën e objektit të trashëguar të një tjetër periudhe, asaj osmane.

Madje është unik e i pazakontë për bashkëdyzim të objekteve që nuk kanë lidhje funksionale me njëri - tjetrin.

Objekti që zor identifikohej

Kur shkruan për Hamamin e Shemsuddin Ahmed Beut, studiuesi Jusuf Xhibo fillimisht e sheh atë nga aspekti kronologjik.

Thotë se ky është Hamami më i vjetër i Prizrenit që dihet deri më sot, ndonëse thotë se nuk është zbuluar ndonjë pllakë mbishkrimi ose material tjetër që do të aludonte për kohën e saktë të ndërtimit dhe për ndërtuesin e tij... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.