Nobelisti me shumë jetë

15 Tetor 2016 - 12:57      

Gazetarët në Stockholm brohoritën kur u bë i ditur vendimi i Akademisë Suedeze pasditen e së enjtes. Bob Dylan vitet e kaluara është përmendur në mesin e favoritëve për “Nobel” për letërsi, por nuk është parë si favorit edhe sivjet.

Ai më në fund u laurua për “ekspresionizëm të ri poetik nëpërmjet muzikës tradicionale amerikane”, siç ka qenë arsyetimi që ka dhënë sekretarja e përhershme e Akademisë Suedeze, Sara Danius.

Disa kritikë kanë ngritur zërin duke pyetur se përse çmimi “Nobel” nuk i është dhënë një “shkrimtari të vërtetë” dhe ende shumë njerëz do të mësojnë dhe do t’i njohin arritjet letrare të një tekstshkruesi këngësh.

Një ikonë e historisë së muzikës

Për më shumë se gjysmë shekulli Dylan ka qenë njëri ndër figurat me më së shumti ndikim në muzikën pop.

“Dylan mban statusin e një ikone. Influenca e tij në muzikën bashkëkohore është e jashtëzakonshme”, shkruhet në arsyetimin e Akademisë Suedeze. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.