“Nobeli” për Bob Dylanin, befasi madhështore

14 Tetor 2016 - 09:53      

I papritur është cilësuar lajmi se Bob Dylan është fituesi i sivjetmë i çmimit “Nobel” për letërsi, shkruan sot Koha Ditore.

Por Dylan, 75 vjeç, që në origjinal mban emrin Robert Allen Zimmerman, gjatë historisë së tij prej krijuesi gjithmonë ka ditur të befasonte. Ai gjeti një mënyrë të re që poezitë e tij të komunikonin me publikun. Përdori këngët që ato të bëhen të njohura.

Shkrimtari e studiuesi Ag Apolloni ka thënë se shkrimtar më me ndikim se Bob Dylani nuk mund të gjendet sot. Ky ndikim është tepër i madh edhe për arsyen e thjeshtë se ai përdor edhe muzikën për t’i afruar njerëzit me letërsinë”, ka thënë Apolloni.

“Duket që pahetueshëm po lëvizin kufijtë e letërsisë. Të paktën në sytë e Komitetit të ‘Nobelit’“, ka thënë profesori universitar i letërsisë angleze dhe asaj amerikane, Muhamet Hamiti. Ai ka thënë se lajmi për Bob Dylanin si fitues të çmimit prestigjioz ka habitur shumëkënd.

(Tekstin e plotë lexojeni mund ta lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.