Përcaktimi i tarifës për transmetimin e këngëve mbetet i pandryshuar

12 Tetor 2016 - 09:21      

Prishtinë, 12 tetor - Mënyra se si do të përcaktohen tarifat e përgjithshme që do t’u vihen televizioneve e radiove për transmetimin e këngëve ka mbetur e pandryshuar në Projektligjin për të drejtat e autorit dhe të drejtat e përafërta, i cili të martën është miratuar në lexim të dytë në Kuvendin e Kosovës.

Neni 167 më i diskutueshmi i këtij Projektligji, ka mbetur i pandryshuar dhe nuk përfshin propozimet e atyre që kishin kërkuar ndryshimin e plotësimin e tij, shkruan sot “Koha Ditore”. Sipas Projektligjit, është Shoqata - në këtë rast ajo e Autorëve, Prodhuesve dhe Interpretuesve e Kosovës (APIK) - që e përcakton atë.

“Tarifat e përgjithshme i propozon Bordi drejtues i Shoqatës dhe i miraton Kuvendi i Shoqatës”, shkruan në pikën e dytë në nenit 167. Bazuar në këtë, në mars të vitit të kaluar APIK-u kishte dalë me një propozim që televizionet të derdhnin në xhirollogari të saj deri në 6 për qind të buxhetit vjetor dhe 8 për qind nga radiot në emër të tarifës për transmetim të këngëve... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.