“Tingujt e flautit” për Shën Terezën sonte nis me “Orpheus”

29 Shtator 2016 - 09:31      

Prishtinë, 29 shtator - Orkestra kamertale bullgare, “Orpheus”, e cila njihet për interpretimin e pothuajse të të gjitha veprave më të rëndësishme për orkestër kamertale, prej barokut e deri te veprat bashkëkohore, do të hapë edicionin e sivjetmë të festivalit që u dedikohet tingujve të flautit. Lydia Oshavkova në flaut, Michaela Hrabankova në obo, Erëmira Çitaku në flaut dhe sopranoja Jeta Çitaku, nën dirigjimin e Raitcho Hristov sonte (e enjte) do të performojnë në kishën katolike “Shën Ndou” në Prishtinë, në mbrëmjen e parë të festivalit bienal “Tingujt e flautit”. Do të interpretohen vepra të Franc Schubertit, Otorino Respighi, Antonio Vivaldi, W.A Mozart e të tjera.

Edicioni i tetë i këtij festivali nis me dy koncerte dhe gjatë vitit do të sjellë edhe gjashtë mbrëmje të tjera muzikore. Të premten mbrëma në ish-Klubin e Boksit, do të shfaqen videot “Gray matter - language of shadows” e Eva Petriq dhe “War Damaged Musical Insruments” e Susan Philipsz. Po ashtu do të ketë një performancë nga duoja Erëmirë e Arzije Rifati në flaut.

Një ditë para hapjes së festivalit organizatorët në një konferencë për media kanë zbuluar se ky edicion i “Tingujt e flautit” i dedikohet humanistes shqiptare, Shën Terezës (gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

comments powered by Disqus

038 249 105     [email protected]    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...