Më 15 tetor në Zym mbahen “Takimet e Gjeçovit 2016”

27 Shtator 2016 - 11:10      

Në Zym të Hasit të Thatë, komuna e Prizrenit, për të 45-ten herë me radhë të shtunën, më 15 tetor 2015, mbahet manifestimi letrar, kulturor e shkencor “Takimet e Gjeçovit”.

Manifestimi i sivjetmë do të përfshijë programin artistik kushtuar Shën Terezës dhe një ekspozitë dedikuar humanistes shqiptare Gonxhe Bojaxhiut.

Në kuadër të kësaj ngjarjeje tradicionale do të mbahet ora letrare “Anton Pashku”, ku do të lexojnë 15 poetë nga viset etnike shqiptare. Më pas do të ndahen katër çmime:

Plaketa “Pena e Pjetër Bogdanit”
Plaketa “Pena e Shtjefën Gjeçovit”
Plaketa “Pena e Anton Pashkut”
“Unaza e Katit"

“Takimet e Gjeçovit 2016” përmbyllen me programin kulturo-artistik të Ansamblit “Katarina Josipi”. Manifestimi organizohet nga Shoqata e Shkrimtarëve “Shtjefën Gjeçovi” të Zymit në bashkëpunim me Ministrinë e Kulturës dhe Drejtorinë e Kulturës të komunës së Prizrenit.