Galeria e Arteve nesër homazh me ekspozitë për Gjelosh Gjokajn

26 Shtator 2016 - 11:56      

Galeria e Arteve të Kosovës nesër do të hap një ekspozitë në homazh për Gjelosh Gjokajn me veprat e tij nga koleksioni i galerisë.

Artisti i mirënjohur shqiptar, Gjelosh Gjokaj ka ndërruar jetë dje në një spital të Munichut.

GKK përmes faqes së saj në Facebook ka ngushëlluar familjarët dhe miqtë e Gjelosh Gjokajt, ndërsa thotë se skena artistike kosovare ka humbur shumë me vdekjen e tij, transmeton Koha.net. Ekspozita do të jetë e hapur nga 27 shtatori deri më 4 tetor, thotë GKK.

“Me rastin e vdekjes së artistit të madh Gjelosh Gjokaj, në emër të stafit të GKK dhe bashkëpunëtorëve tanë, shprehim ngushëllimet më të sinqerta për familjarët dhe miqtë e afërm të tij, si dhe pikëllimin e thellë për humbjen e madhe që përjetoi skena artistike Kosovare dhe ndërkombëtare. Po e ndajmë me ju albumin e veprave të tij, që GKK ka nderin të ruajë në koleksionin e saj. Ftojmë audiencën e GKK që gjatë javës së ardhshme në datat 27 shtator – 4 tetor, të vizitojnë ekspozitën memoriale kushtuar Gjelosh Gjokajt, në Galerinë Kombëtare të Kosovës”, thotë GKK.

© KOHA. Të gjitha të drejtat janë të rezervuara.