Korrespodenti i Reutersit, mbrojtës i ashpër i arkitekturës së Bibliotekës Kombëtare të Kosovës

24 Shtator 2016 - 23:37      

Thomas Escritt, korrespodent i agjencisë së lajmeve Reuters, i ka dalë në krah arkitekturës së Bibliotekës Kombëtare të Kosovës, e cila jo rrallëherë është kritikuar e madje edhe cilësuar si shëmti arkitekturore.

Escritt, i cili shpesh raporton nga Kosova për ngjarje të ndryshme, së fundmi është marrë me arkitekturën e qytetit të Prishtinës në përgjithësi, por të Bibliotekës Kombëtare të Kosovës “Pjetër Bogdani” në veçanti.

Në një postim në Twitter, korrespodenti me prejardhje nga Budapesti i Hungarisë, ka thënë se do të mbrojë “ashpër” arkitekturën e objektit në fjalë, raporton Koha.net.

“Biblioteka Kombëtare e Kosovës. Nëse ndonjëherë gjej dikë që e quan atë të shëmtuar, do ta paraqes “fuqishëm” mendimin tim ndryshe”, ka shkruar ai në Twitter, ku edhe ka postuar disa fotografi nga ky objekt.

Kosovo's national library. If I ever find the people who called it ugly, I will *vigorously* put forward my different opinion pic.twitter.com/NVl0i8ZUS1

— Thomas Escritt (@tomescritt) September 23, 2016

Më tej, ai ka postuar edhe fotografi tjera të Prishtinës, duke e cilësuar kryeqytetin tonë si “vend shumë atraktiv”.

“Propozime të guximshme, projekte pa frikë: Prishtina është një qytet shumë atraktiv”, ka shkruar Escritt.

Bold propositions, fearlessly ventures: Prishtina is a very attractive city pic.twitter.com/IippVIBurS

— Thomas Escritt (@tomescritt) September 24, 2016

BKUK është vepër e arkitektit kroat Andrija Mutnjakoviq dhe ka filluar punën në vitin 1982, ndërsa thuhet se është e frymëzuar nga hojet e bletëve.  

© KOHA. Të gjitha të drejtat janë të rezervuara.