“Nata e yjeve në ngritje” për të ardhmen e të rinjve

24 Shtator 2016 - 13:09      

Sapo Elina Duni del jashtë objektit të shekullit XVII, një varg njerëzish i kërkojnë të shkrepin nga një pozë me të.

Kësisoj duket se ajo ka vendosur të qëndrojë në atë që është “Dhoma e burrave” në Muzeun Etnologjik në Prishtinë, shkruan sot Koha Ditore.

Fotografi i kërkojnë edhe nikoqirët, punonjësit e Muzeut. Erodita Çorkadiu, Bekim Xhemili e Valon Shkodra nuk e lënë atë të largohet nga shkallët pa i shkrepur dy fotografi. Pasi mbaron punë, Duni prapë kthehet në “Dhomën e burrave”.

Atje qëndron bashkë me grupin e saj. E paralajmëruar të fillojë në orën 19:00, mbrëmja muzikore e organizuar nga “Kosovo American Education Fund” ka nisur më vonë.

Për më shumë se një orë mysafirët kanë qëndruar në tavolina duke provuar ushqime prej atyre tradicionale e deri tek modernet. Të parat janë përshtatur me hapësirës ku gjendet monumenti më i vizituar në Kosovë. (Detajet mund t’i gjeni në numrin e sotëm të Kohës Ditore)

© KOHA. Të gjitha të drejtat janë të rezervuara.