Kultura në 16 vjet të KTV-së [video]

22 Shtator 2016 - 20:51      

Ekipi i emisionit Express, një ndër prodhimet më origjinale dhe më jetëgjata të KTV-së, vazhdon të punojë me shumë entuziazëm, pasion dhe një nivel të lartë të përgjegjësisë.

Dritare e informimit dhe derë e hapur për artistët e mirëfilltë cilësohet shtëpia mediale Kohavision, nga komunitetit artistik në vend.

Këto 16 vjet, përmes emisionit Express, publiku ka pasur rastin të shohë të gjitha zhvillimet kulturore dhe artistike.

Problemet kulturore janë trajtuar ditë pas dite dhe jo rrallëherë , Express ka qenë iniciues në zgjidhjen e problemeve kulturore në vend.

Guximi dhe mënyra e qasjes në tema të ndryshme, është ajo që vihet në pah dhe vlerësohet nga bashkëpunëtorët e shikuesit tanë.

Teatri, filmi, baleti, muzika, arti bashkëkohorë dhe më gjerë, janë trajtuar gjatë minutave të emisionit për këto 16 vjet.

Përkrahja e artistëve të rinj ka qenë ndër synimet kryesore, shumica prej të cilëve tashmë gëzojnë popullaritet dhe jo vetëm brenda kufijve shqiptarë.

Expressi do të vazhdojë edhe më tej të jetë një dritë shpresëdhënëse për krijuesit e rinj të artit. Derisa për ata që tashmë kanë krijuar identitet në skenën shqiptare do vazhdojë të jetë mbështetës ashtu siç ka qenë për 16 vjet rresht.

© KOHA. Të gjitha të drejtat janë të rezervuara.