Edicioni i ri i festivalit të karikaturës lë prapa problemet e “Thumbit”

20 Shtator 2016 - 12:17      

Shoqata e karikaturistëve e Kosovës “Thumbi” nuk ka mbijetuar shumë pas rithemelimit në fillim të vitit të kaluar. Tashmë ajo nuk ekziston. Është shoqata “KrAgiKozvak” ajo që do të organizojë Festivalin e Dytë Ndërkombëtar të Karikaturës në Kosovë. Nëpërmjet një komunikate për media, kjo shoqatë ka bërë të ditur se konkursi i festivalit është hapur në fund të muajit të kaluar e do të zgjasë deri më 15 tetor dhe të drejtë pjesëmarrjeje kanë karikaturistët nga mbarë bota.

“Eventi i ndarjes së shpërblimeve dhe ekspozita e karikaturave të këtij festivali është paraparë të mbahet në mes të muajit nëntor në Kosovë”, shkruhet në komunikatë, shkruan sot “Koha Ditore”.

Tema e sivjetshme do të jetë “Njerëzit dhe teknologjia”. Sipas komunikatës shoqata “KrAgiKozvak” është themeluar në bashkëpunim me shoqatën “Kozvak Kozan” nga Adana e Turqisë... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.  

© KOHA. Të gjitha të drejtat janë të rezervuara.