Komuna pret ndihmën e Belgjikës për restaurimin e Hamamit të Madh

20 Shtator 2016 - 09:10      

Gati një dekadë pas dështimit për t’i finalizuar punimet në monumentin pesëshekullor, institucionet vendëse presin ndihmë nga jashtë. Regjioni Wallonia në jug të Belgjikës është zotuar ta përkrahë Komunën e Prishtinës me mjete financiare dhe ekspertë për të përfunduar restaurimin e objektit të Hamamit të Madh të Prishtinës. Një gjë e tillë është rezultat i binjakëzimit mes Komunës së Prishtinës dhe Komunës së Namurit në këtë regjion, i njohur për qytete mesjetare e arkitekturë të Renesancës.

E sa i përket destinimit të Hamamit, Komuna e Prishtinës e ka në plan të mbajë diskutime e dëgjime publike me qytetarë, shkruan sot "Koha Ditore".

Në shkurt të këtij viti gazeta kishte raportuar se monumenti i mbrojtur me ligj nuk do të shndërrohet në muze të neolitit, siç ishte paraparë nga qeverisja komunale më 2012, kur Komuna e Prishtinës udhëhiqej nga Isa Mustafa. Në shtator të atij viti, Mustafa si kryetar komune kishte vizituar Hamamin e Madh të Prishtinës dhe kishte thënë se pas përfundimit të punimeve objekti do të shndërrohej në muze... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.