Ilustruesja me prejardhje nga Kosova zbërthen botën e çuditshme

18 Shtator 2016 - 11:23      

Një grup të rinjsh shihet në “orbitën” e pikturuar me ngjyrë të kaltër të çelur, derisa shikimet e tyre janë orientuar kah sipërfaqja me ngjyrë të zezë.

Mbi të vërehet një gojë e madhe, gjysmë e hapur. Ilustrimi i një teksti të publikuar në gazetën prestigjioze amerikane “The New York Times” është realizuar nga një vajzë me prejardhje nga Kosova, shkruan sot “Koha Ditore”. “Arta Ajeti/Parsons School of Design” është shkruar në fotolegjendë.

Vepra e Ajetit shoqëron tekstin me autore Sophie Downes, me titull “Trigger Warning, Safe Spaces and Free Speech Too” (Paralajmërime për pamje shqetësuese, hapësira të sigurta dhe liri të shprehjes gjithashtu).

I publikuar në NYT artikulli është i pari i serisë që vjen nga profesorët, studentët dhe administratorët e edukimit në New York. Vepra e Arta Ajetit, e cila është lindur në Londër dhe studion në Shtetet e Bashkuara të Amerikës, është e para e publikuar në kuadër të kësaj serie... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.