Kosova s’është fjalë me prejardhje sllave

17 Shtator 2016 - 15:25      

Duhet të dimë se, emri “Fusha e Kosovës” - “Kosova”, vendi ku ishte zhvilluar lufta e vitit 1389, e njohur në historiografi si “Beteja e Kosovës”, në mes të Koalicionit të popujve ballkanikë dhe osmanëve (turqve), nga historiografia evropiane e më gjerë, njihet edhe me emrat: Amselfeld (gjermanisht), Campia Mierlei (rumanisht), Champs des Merles (frëngjisht), Kosifopedhio (greqisht), Rigomezo (hungarisht), Campus Turdurum (latinisht), Campus Merulae (quhet nga kronistët latinë), Kosovo Polje (serbisht) dhe Kosova (turqisht), shkruan Enver Rexha në Shtojcën për Kulturë të Kohës Ditore.

Dëshmitë, ndër të parat, për emrin e vendit, fushës, malit, katundit-fshatit, qytetit të quajtur “Kosovë/a”, i gjejmë në dokumentet e kohës që dalin që nga fillimi i shekullit XV. Ipeshkvi i Ulqinit, Martino Segano (i lindur në qytetin Novobërdë të Kosovës), i cili për një kohë ishte dhe famullitar vendas i Kishës katolike në Novobërdë, gjatë gjysmës së dytë të shekullit XV, në një shkrim të vetin me karakter gjeografik kushtuar vendlindjes, e përmend një luginë të quajtur “Kosovitza” nëpër të cilën po kaluaka lumi Llap, ku nga vendi në njërën anë gjendet Prishtina e në anën tjetër Novobërda (A. Pertusi, “Martino Segano di Novo Berdo vescovo di Dulcigno”…, Roma, 1981). (Më gjerësisht mund të lexoni në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.