Karikatura e stripi në shërbim të humanizmit

11 Shtator 2016 - 11:15      

Në natën ndërmjet 15 e 16 korrikut të këtij viti, kur qarqe të caktuara të Forcave të Armatosura të Turqisë kishin nisur tentimin për grusht shtet dhe publiku nëpërmjet transmetimeve televizive po i përcillte zhvillimet në shtetin euro-aziatik, karikaturisti Halit Kurtulmush Aytoslu kishte marrë lapsin dhe fletën e bardhë dhe po bënte punën e tij të zakonshme.

Ato që i shihte e i dëgjonte fillimisht i përpunonte brenda kokës së tij dhe pastaj nëpërmjet lapsit i interpretonte në letër. Me krijimin e tij përcillte porositë rreth këtyre zhvillimeve, shkruan sot “Koha Ditore”. Thotë se ngjarja e natës së nxehtë të korrikut ka qenë një zhvillim negativ për Turqinë, por është optimist se shtetin euro-aziatik e presin ditë shumë më të mira.

Ngjashëm mendon edhe Yashar Firat, karikaturist dhe strup-artist nga Stambolli, i cili konsideron se ngjarjet e fundit në Turqi kanë dëshmuar se nuk ekziston ndonjë problem ndërmjet popullit dhe pushtetit. Thotë se karikaturistët dhe strup-artistët në Turqi nuk e kanë të kufizuar lirinë e shprehjes, porse për ta konfirmuar këtë duhet gjetur burime të paanshme.

Dy artistët i kanë shprehur këto qëndrime në intervista të ndara për “Kohën Ditore”, gjatë pjesëmarrjes së tyre në edicionin e 13-të ndërkombëtar të Festivalit të Stripit dhe Karikaturës në Prizren, të organizuar në fund të korrikut nga shoqata “Xhennet Comics” ... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.