Muze në ish-kolegjin nazist

10 Shtator 2016 - 10:26      

Gjermania sapo ka përfunduar rizhvillimin e fundit sa i përket periudhës naziste me hapjen e ekspozitës “Shteti i artit” në Vogelsang Castle (Kështjella e Vogelsan), një kolegj i ndërtuar në vitet ’30 të shekullit të kaluar, për të krijuar një aristokraci të re për liderët e Rajhut III.

Hapësira ka pamje mahnitëse me liqe e kodra në perëndim të Parkut Kombëtar të Eifelit, përcjell Koha Ditore, artikullin nga DW. Hapësira ishte e pashfrytëzuar për 60 vjet pasi ishte përdorur si vend për stërvitjet e trupave të NATO-s.

Vogelsang, që do të thotë “Kënga e zogut”, është hapur për publikun në vitin 2006 pasi që ushtria belge u largua prej aty duke u konfrontuar me autoritetet sa i përket faktit që hapësira mban edhe statuja naziste.

Përfshihet një svastikë 16 metërshe që mbulon dyshemenë e ish-“Kullës së kultit”, pastaj atletë arianë në pishinë dhe kalorës gjermanë në hyrje të kullave. Sipas historianëve, me gjeneratat e luftës po shuhet edhe populizmi i krahut të djathtë në Evropë e Shtetet e Bashkuara të Amerikës dhe njëkohësisht kjo tregon se ku mund të shkojë nacionalizmi.

“Vizitorët konfrontohen me pyetjen: ‘Çfarë ka të bëjë kjo me mua?' Nëse u hedhim sy zhvillimeve politike ditëve të sotme, kjo është shumë relevante”, thotë hulumtuesi Gabriele Harzheim. (Më gjerësisht lexoni sot në Koha Ditore)

© KOHA. Të gjitha të drejtat janë të rezervuara.