Pasuria e Bibliotekës Kombëtare edhe sivjet në bodrumet me ujë

9 Shtator 2016 - 09:53      

Për punonjësit e Bibliotekës Kombëtare të Kosovës çizmet dhe kovat për të hequr ujin janë pjesë e përditshmërisë, kur ka reshje atmosferike. Një gjë e tillë i kishte rënë hise edhe vetë ministrit të Kulturës, Kujtim Shala, në ditën e parë të muajit gusht të këtij viti, shkruan sot Koha Ditore.

Vetëm dy ditë pasi gazeta kishte raportuar se fondi i njësive bibliotekare prej 2 milionë ekzemplaresh është në rrezik të përhershëm, ministri Shala ishte përvjelë për të larguar ujin nga bodrumet e Bibliotekës Kombëtare “Pjetër Bogdani”. Por, pavarësisht gjendjes alarmuese, fondi i këtij institucioni, ku ruhet trashëgimia e shkruar e Kosovës, edhe këtë vit do të rrezikohet nga uji.

Qeveria e Kosovës nuk ka plan për ndonjë intervenim emergjent, edhe pse është në dijeni për gjendjen. Krejt çfarë do të bëhet këtë vit është hartimi i një plani për ndërhyrje, përderisa për vitin e ardhshëm janë planifikuar 500 mijë euro për rregullimin e depove të institucionit më të lartë bibliotekar në vend. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.